تبلیغات
متن كتاب های آموزشی

متن كتاب های آموزشی
همیاری 

بال ارییر، موم قالار                        تورپاق گئدر، قوم قالار

آری بالی قویاندا                           موم اوستونه موم، قالار

 

باغوان قیزیل گول اكیب                  اكیب چوخدا كیپه، كیپ

محبت له صداقت                          اریییب سویون چكیب

 

حجری قوچاق نبی                       ائلیندن قاچاق نبی

دوشمانی یوردوموزدان                  سالمیشدی قاچاق نبی

 

آدینی قویدون كیشی                    بوراخ چكیش بركیشی

بوش یئرین بئلدار لاری                            خوشلاماز لار برك، ایشی

         

چوخ آیدن دیر دركیمیز                             وار بو ائله اركیمیز

آلچاق دوشمان اؤنونده                  اوجا قالیب اركیمیز

 

گئدسن بولاق باشینا                    باخ بولاقین داشینا

چالیش قویما محبت                      اوره گیندن داشینا!

 

چالیش قالما تلاشدان                            سحرلر دور اوباشدان

باشدا شعور اولماسا                    ثمر اومما او، باشدان

 

كیم تانییا آرینی                           تانییاجاق تارینی

بال دوه لده دوزه لده                     آری چالار تارینی

 

بو آدا گؤزه ل آدا                           آلدانما گؤزه ل آدا

دونیادا باغلی ده گیل                    گؤزه للیك، گؤزه ل، آدا

 

عاشیق اله ساز آلار                      ائلین كئفی سازالار

سازلا سؤز ائشیده نین                 غم غصه سی آزالار

 

سؤزو سؤیله بیله نه                     چوخ دئمه بیل، بیله نه

ایشسیز جاوان ناچاردی                قوجالاندا دیله نه!

 

سو قایید ماز بولاقا                       بونو تاپشیر قولاقا

چوخ آقالار قول اولوب                     اولوب چوخلو قول، آقا

 

قلبیمده كی آرزیلار                       تكجه سنی، آرزیلار

سن منی ترك ائیله سن                دای پرگاریم، بوزولار

 

چوبان سئوه ر، سوروسون             داغا داشا،‌سوروسون

آلار اؤز قوجاقینا                            قوزولارین، جوروسون

 

آق پاپاقدیر قارا داغ                       قوجاق آچیب قارا، داغ

لاله نین باغریندا دا                       من تك واردیر قارا، داغ

 

بیر قوشون بیر قانادی                             بیر اوخ دیدی، قانادی

اوره گیمدن قان آخار                     هاردا گلسه، قان، آدی

         

بیرینده اولسا آزار                         آخیری بیر گون، آزار

هر كس دوشونسه بیلر                 ایستی قالماز بو، بازار

 

باخمارام گوله سنسیز                            باشقا خوشگوله، سنسیز

چیچك سنی گؤزله ییر                            ایسته میر گوله، سنسیز

 

من عاشیقام باهاردا                     چیچك گولر، باهاردا

هاممی نین یاری گلدی                 منیم یاریم به، هاردا؟

         

كیشی گره ك قازانا                      روزی سالا، قازانا

درینی قسمت اولار                       درین، قویو، قازانا

 

یالواردیم گئجه یارا                        آز، وور قلبیمه، یارا

كاش اوزومه، گوله سن                  باشیمی، یارا، یارا

 

تاپیلماز بئله ساچلار                     تؤكولوب بئله ساچلار

اوره گین بندین قیرار                     وئریلسه، یئله، ساچلار

 

من عاشیقام بیر آیا                       بیر اولدوزا، بیر، آیا

بیر گونوم بیر ایل كئچیر                  نئجه دوزوم، بیر، آیا

 

بو دره نین چمی، وار                     هر ایشین بیر چمی، وار

بو اولو، اركیمیزین                         بیر اسن پرچمی وار

 

آتمایین آوخو، قوشا                       گورمه یین یوخو قوشا

قوشو سالیب قفسه                     دئمه یین، اوخو، قوشا

 

اودونی ییغ قوجاقا                        گتیر قالا اوجاقا

هر نه اولسا، اولاجاق                    چاره یوخ اولاجاقا

 

ساز چالاندا بولبوللر                      اوینایاندا سونبوللر

بال آریسی تار چالار                      یان یانا یاتار گوللر

 

گول اوسته آری خوشدور                هئیوانین باری خوشدور

قیشدا قاری سئوه ره م                 پاییزین ناری خوشدور

 

بو قالانین چمی وار                       باشیندا پرچمی وار

چالیش دوستون چمین تاپ            هر كسین بیر چمی، وار

 

چوخ دریا وار، آداسیز                     آلدانمایین آدا، سیز

آجی بادام تانینماز                        اول گره ك داداسیز

 

درمان دیر آجی بادام                     دویورماز آجی، بادام

هر نه قان ایچیر دویمور                  گؤر نئجه آجیب، آدام

 

باخ طرف ده كامالا                        تئز آلدانما جامالا

اینسان گره ك هر ایشده               حق الیندن جام،‌آلا

 

گتیرمه یین ، یار آدی                     كونلوم یاردان، یارادی

من یاردان یارامادیم                       هانسی عاشیق، یارادی

 

قالمیشام كی نه یازیم                  تك سنه وار، نیازیم

سنسیز قیش گئجه سی یم          نه یاییم وار، نه، یازیم

 

كروان گئجه اود،‌قالار                     كروان كوچر، اود، قالار

كهنه دب لر، پوزولار                       تازالاردان، مد، قالار




طبقه بندی: اصیل بایاتی لار2،
[ جمعه 15 فروردین 1393 ] [ 08:00 ب.ظ ] [ علی اكبر ادهم ماراللو آموزگار ششم ]
.: Weblog Themes By Iran Skin :.

تعداد کل صفحات : 102 :: 1 2 3 4 5 6 7 ...

درباره وبلاگ

موضوعات
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

فروش بک لینکطراحی سایتعکس