تبلیغات
متن كتاب های آموزشی

متن كتاب های آموزشی
همیاری 

مارالیم آلما، دردی                        آغاجدان آلما، دردی

چالیش درده،‌درمان، آل                  پول وئریب آلما، دردی

 

من سنه چوخ بوشلویام                  اولماز سنی بوشلویام

اینانما سندن سورا                       باشقا بیر یار خوشلویام

 

یئتیشسه یاز، گؤزه لیم                 قیش دایانماز،‌گؤزه لیم

قارانقوشا، بولبوله                        بیر دعوت یاز، گؤزه لیم

 

بیر آلچاق وار، بیر اوجا                             بیر جاوان وار بیر، قوجا

ایپ قیریلیپ یئتیشمیر                            دویونلورم اوج، اوجا

 

باخ طرفین گؤزونه                         سؤزو سؤیله اؤزونه

او كیمسه كیشی دیركی               صاحاب دورا سؤزونه

 

قوشو سالمار قفسه                     آلدانما بوش هوسه

نییه گره ك قوش قالا                     حسرت آزاد نفسه

 

كاش گؤرمه یم قفسده                  هئچ قوشو بیر نفس ده

زندان داراشلیق اولسا                            سس ده باتار نفس ده

 

قاچ شادلیقین دالینجا                             توتوب تورا سالینجا

غصه سنی تاپاجاق                      بوشلاماز قوجالینجا

 

دونیا اولماسا ایشیق                    ایشلر اولار قاریشیق

خوشدور كامیل داعوادان                بیر ناكامیل باریشیق

 

یانار، اود بیرگون سؤنر                             اود یانار كوله، دؤنر

سیاست یالان اولوب                     اوغورلوق اولوب هنر

 

چوخ سئوه رم جویزی                    جویز ایله، مویزی

آنام ائلچی گله جك                       تانیتدیرسان ائویزی

 

یئل اسر گوللر اوینار                      قیزیل سونبوللر اوینار

آغیر اوتور باتمان گل                      اول یونگوللر اوینار

 

اینسان گره ك هر ایشه                 صداقت له گیریشه

نییه گره ك چكه سن؟                            ایكی منت بیر ایشه

 

داراشلیقدیر قفسیم                     آزادلیق دیر هوسیم

كاش قفسه دوشونجه                   كسیله ایدی نفسیم

 

قاشلارین قارسینا                        خال سالیب آراسینا

اوره ك سنین دیر اؤزون                  آچیب باخ یاراسینا

 

آق آلمانی سویمارام                     سویوب یئره قویمارام

بیر ده بیر عؤمور تاپسام                 محبتدن دویمارام

 

بو سو، نییه لیل گلیر                     كسیلمیر بیر تیل گلیر

اون گوندور یاریم گئدیب                 هر گونو بیر ایل گلیر

 

اؤز ائلیمدن دویمارام                      یاد سؤزونه اویمارام

ائل منیم دایاقیمدیر                      ائلیمدن آیریلمارام

 

آق بولاقدا،‌موغاندا                        قویونلاری ساغاندا

ائل اوبا شنلیگ ائدر                      قارلا یاغیش یاغاندا

 

نهره لر چالخالاندی                       یئره ائیران جالاندی

كره یومورولاری                                      گؤر نه فوری تالاندی

 

نعمت دیر بال آریسی                    آرینین وار تاریسی

قیزیل شافاقدان دولوب                  آخشام گؤیون یاریسی

 

بیر ساواش یاواش یاواش               جنگه دؤنر باشا باش

پیس ده گیل هئچ باریشیق            یاخشی ده گیل هئچ ساواش

 

چكدیر آغرییان دیشی                             صبر ائله یاتسین شیشی

دای ساتما گونو،‌گونه                    صاباحا قویما ایشی

 

بولاغلار آغلاشیرلار                       آخیب اوزاغلاشیرلار

گؤزه ل لیك گؤسترمه یه                گور نئجه باغلاشیرلار

 

نازلی یار گله گله                         گول ده ر دی سله سله

گول چیچك چاتا بیلمز                    یاریما،‌هله هله

 

آدام اولسا اؤز یولا                         آیری گئتمز دوز یولا

چوخلاری وار تانیماز                      یولو گئده یوز،‌یولا

 

گوجونی وئرمه انگه                       سؤزو سالما هونگه

خوش سوزوده چوخ دئسن             خالقی گتیرر تنگه

 

ایش گؤرمه ناشی كیمی               آخما گؤز یاشی كیمی

برك ایشده كیشی دورار                ده گیرمان داشی كیمی

 

بال ایسته رم آریدان                      اودور بالی، یاریدان

عالم ده قورخو بیلمز                     هر كس قورخا تاریدان

 

لال سؤزونو آندیرار                        ایشینی یوللاندیرار

پیس گونلرده یاخشی دوست                  دوستونا جان یاندیرار

 

یاشیل چاغالا بادام                       قویمادیلار بیر دادام

حایاتین قدرین بیلمز                      عشقی اولمایان آدام

 

داماریمدا قان،‌وطن                       سنسن جسمه جان وطن

سن آنا وطنیم سن                       جان سنه قوربان وطن

 

شهرین بور بوجاغیندا                    تبریزین قوجاغیندا

اؤلو بیر (ارك) میز وار                     سؤنمز اود، اوجاغیندا

 

بو داغلاری آشارام                        ایه ر اوچماق باشارام

بیلسم سنه چاتارام                      هر درده تاب لاشارام

 

داغلارین قاری سنده                     باغلارین باری سنده

داغلار یئریندن اولدو                      بیر چالیش باری سنده

 

گؤزه ل لیك قالان ده گیل               لاپ دوز دور، یالان ده گیل

عؤمور تلف ائیله مه                       حایات كی قالان ده گیل

 

ده گیرمان ده ن سیز اولماز            روح كی بدن سیز اولماز

جان وطنه باغلیدیر                       اینسان وطن سیز اولماز

 

توتما حایات یاسینی                     تاپ اوره ك احساسینی

حایات آغیر بیر یوكدور                    بیلمه سن معناسینی

 

هر زادی یی ء دادینا                     تئز آلدانما آدینا

آدلی سانلی كیشیلر                    آد ساخلار ائولادینا

 

نار باغی نارسیز اولماز                            میوه سیز، بارسیز اولماز

بیر عؤمور شاد یاشاماق                ماهنی سیز، تارسیز اولماز

 

خوش گله جك ایلیمیز                             دورولاجاق لیلیمیز

عزیز سرمایا میزدیر                       شیرین آنا دیلیمیز

 

بولاقلار آخا آخا                                      ایلدیریم شاخا شاخا

بیزی بؤلوشدور دولر                      گؤزموز باخا باخا




طبقه بندی: اصیل بایاتی لار3،
[ شنبه 3 بهمن 1388 ] [ 12:07 ق.ظ ] [ علی اكبر ادهم ماراللو آموزگار ششم ]
.: Weblog Themes By Iran Skin :.

درباره وبلاگ

موضوعات
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

فروش بک لینکطراحی سایتعکس