تبلیغات
متن كتاب های آموزشی

متن كتاب های آموزشی
همیاری 

تانیییب بیله بیله                          آلدانما شیرین دیله

دوشمان سنی آغلادار                            اوزووه گوله گوله

 

گولدانا اكدیم ناریش                      بوی آتیبدیر بیر قاریش

كوسمك یاخشی ایش ده گیل        چالیش كوسسن ده باریش

 

اوچان قوش قونمالیدیر                            قانمایان قانمالیدیر

یاز گلسه آغاج ده لن                    تازا ائو، یونمالیدیر

 

بو دریا دالغالاندی                         بلكه بیردن جالاندی

نئجه ده شپه وورسا                     دریا داشماز یالاندی

 

قانادین كسه كسه                       سالما قوشو قفسه!

بیر گون ده سن دوشرسن             قفسه اسه اسه

 

ساوالان بال كره سی!                  بیر معجون دور هره سی

بهشتین گوشه سی دیر                یوخسا شیروان دره سی؟

 

پرده لر ایپك دیلر                          گؤزه ل لیكده تك دیلر

پرده نینی دالیسیندا                     نه واریدی اكدیلر؟

 

اوغول: آتما داش قوشا                  نه قوشا نه بایقوشا

قاشیقیوا گله جك                         هر نه سالسان گاو دوشا

 

قیزیل گولون دسته سی                اولدوم هیجران خسته سی

اوره گیمه چوخ یاتیر                      قاراباغ شكسته سی

 

بیر قاناد اوچا بیلمز                       بیر آیاق قاچا بیلمز

سعادتین قاپسین                         تك بیر ال آچا بیلمز

 

كیشی قویدون آدیوی                    چالیش بیل ایرادیوی

قویما آدی كیشی لر                     سیندیرسین قانادیوی

 

هر ایشی باشلا باشدان                بیر آن قالما تلاشدان

كیشی ده همت اولسا                  قیزیل چیخاردار، داشدان

 

قفس قیزیل اولساد                      هر نعمت دن دولسادا

آزادلیقی سئویره م                       گول گولشنده سولسادا

 

هر داغین دره سی وار                  هر آغین قره سی وار

بیر اؤلوم چاره سیز دیر!                 هر دردین چاره سی وار

         

جئیران سئوه ر بالاسین                 داش دوز كیمی بالاسین

تكجه محبت آلار                           اینسانلیقین قالاسین!

 

نییه گره ك اوغولاق                      غم غصه دن بوغولاق

مگر واردیر ایمكانی                       بیز، بیرده بیر دوغولاق

 

آلچاق آدام اوجالماز                       روحو جاوان قوجالماز

گون آیا ایشیق وئرر                       آمما آیدان باج آلماز

 

گولوستان باغیمیز وار                    ائینالی داغیمیز وار

عزیز آذربایجاندا                                     سؤنمز اوجاغیمیز وار

 

بو اوره ك غم ساخلامیر                 بو چمن چم ساخلامیر

شوقدان آغلایاندا                          گؤزلریم یاش ساخلامیر

 

اركی میز چوخ قوجادیر                            چوخ اولو، چوخ اوجادیر

ائینالی اینجه داغدیر                     گؤزه لدیر، بالا جادیر

 

چیخسان اركین دامینا                             باخ شافاقین جامینا

اركی میز چوخ قان توكوب               دوشمانلارین كامینا

 

ائینالی داغینی گز                        كهلیك بولاغینی گز

بهشتی آرزیلارسان                      گولوستان باغینی گز

 

ارك ائلین اركانیدیر                        ساوالان بال كانیدیر

آذربایجان دونیادا                          آصلانلار مكانی دیر

 

گؤزه لیم اولسا دركین                             قیلما تبریزین تركین

بوللو گولله یئری وار                       هر گوشه سینده اركین

 

گولوستان باغی گؤزه ل                 ائینالی داغی گؤزه ل

اودلو، سؤنمز اركی میز                  ائلین اوجاغی گؤزه ل

 

گؤزوم دوشدوی دومانا                            جومدوم ده رین گومانا

گوندوزلر اولار گئجه                       گؤزلرینی یومانا!

         

حجرله سارا نیگار                         یوردوما وئریب ویقار

كیمین تاریخینده وار                      بئله آدلیم یادیگار

 

دورنالار گؤیچك دیلر                       گویه قاناد چكدیلر

یازین بو ائلچی لری                      گؤر نه آق لچ دیلر

 

چای سویو دورولونجا                     چایلاری بورولونجا

آری گولدن چكمز ال                      بال ییغار یورولونجا

 

قوچاق آت، نالی ساخلار                پتكلر بالی ساخلار

معرفت هر اینساندا                      روحودا صفالی ساخلار

 

خوشوم گلر مئشه دن                             گولاب دامار شوشه دن

طاماه دیشین ساخلاما                  آپار چكدیر ریشه دن

 

قوش اوچار قانادینان                     كیشی یاشار آدینان

یار دؤنوب یاد اولاجاق                    چوخ دولانسان یادینان

 

غم دریادیر سن گمی                    آزاد دیر اوره كده غمی

باشار غم غصه یئمه                     توتسادا غم عالمی

 

كور توتدوقون اؤتورمز                     حایات شوخلوق گؤتورمز

معرفت لی بیر اینسان!                  یاخشی لیقی ایتیرمز!

 

ییغ ال بیر ائله ائلی                       ائللره تاپشیر بئلی

سئل لر سنی بوغمامیش              قاباقین آل بوغ سئلی

 

دایانیب عرشه باشی                    بو اركین باشا باشی

دوشمانین توپ گولله سی              اولو اركین شاباسی

 

كهلیك بولاغینا گل                        گولوستان باغینا گل

تبریز تاماشاسینا!                         ائینالی داغینا گل

 

ایشلره قورما تله                          دئمه گؤره رم هله

هاردان معلوم كی دوشه                بیرده بیر فرصه اله

 

من زیندانی بیر قوشام                  بیر گوله وورولموشام

آزادلیق هارایلیرام                         قفسدن یورولموشام

اصیل  بایاتی لار

برگرفته شده از: سررسید آذربایجان1388  

 تالیف حسن ضیایی جباری

تایپ از: علی اكبر ادهم       دیماه 88

 




طبقه بندی: اصیل بایاتی لار4،
[ شنبه 3 بهمن 1388 ] [ 12:08 ق.ظ ] [ علی اكبر ادهم ماراللو آموزگار ششم ]
.: Weblog Themes By Iran Skin :.

درباره وبلاگ

موضوعات
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

فروش بک لینکطراحی سایتعکس